ប្រធានាធិបតីបារាំងថា Deschamps ត្រូវបន្តដឹកនាំក្រុមបារាំងទៀត

2022-12-15 04:02:49
បាល់ទាត់

2022-12-15 04:02:49
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Emmanuel Macron ប្រធានាធិបតីប្រទេសបារាំងត្រូវបានគេប្រទះឃើញទៅចូលរួមគាំទ្រផ្ទាល់ក្នុងការប្រកួតវគ្គពាក់កណ្ដាលផ្ដាច់ព្រ័ត្រ World Cup 2022 ប្រទេសកាតា រវាងក្រុមជម្រើសជាតិបារាំងតទល់នឹងក្រុមជម្រើសជាតិម៉ារ៉ុក ក្នុងថ្ងៃនេះ។

ក្រោយពីបារាំងបានបំបាក់ម៉ារ៉ុកក្នុងលទ្ធផល ២-០ ក្នុងប្រកួតខាងលើនិងបានឡើងទៅប្រកួតវគ្គផ្ដាច់ព័ត្រ តទល់នឹងក្រុមជម្រើសជាតិអាហ្សង់ទីន នៅថ្ងៃអាទិត្យនេះ លោក Macron បានសម្ដែងក្ដីរីករាយ និងមោទនភាពដល់ក្រុមជម្រើសជាតិបារាំងលោកជាខ្លាំង។

ជាពិសេសនោះគឺប្រធានាធិបតីបារាំងរូបនេះបានលើកឡើងថា៖" យើងនឹងយកពានប្រកួតនេះទៅប្រទេសយើងវិញទៀត ហើយច្បាស់ណាស់ លោក Didier Deschamps គ្រូបង្វឹកក្រុមជម្រើសជាតិបារាំងនេះ ត្រូវតែបន្តតំណែងការងារនេះ។ ក្រុមបារាំងនេះធ្វើឲ្យខ្ញុំមានមោទនភាពមែនទែន "។

សូមរំលឹកផងដែរថា លោក Deschamps ជាគ្រូដឹកនាំក្រុមជម្រើសជាតិបារាំងតាំងពីឆ្នាំ២០១២ ដោយនឹងចប់កុងត្រាចុងឆ្នាំ២០២២នេះ។ លោកធ្លាប់ដឹកនាំក្រុមបារាំងឲ្យឈ្នះ World Cup បាន១ដង ក្នុងឆ្នាំ២០១៨៕

ប្រភព៖ Fotmob

អត្ថបទ៖ ហ៊ីម រស្មី