/6399a1c59d7c7_1671012780_medium.jpg)
- 2022-12-14 03:55:16
- បាល់ទាត់
Man Utd មិនដឹងថាពេលណា Sancho ត្រលប់មកចូលរួមហាត់ជាមួយក្លឹបវិញ
- 2022-12-14 03:55:16
- ចំនួនមតិ 0 | ចំនួនចែករំលែក 0
Man Utd មិនដឹងថាពេលណា Sancho ត្រលប់មកចូលរួមហាត់ជាមួយក្លឹបវិញ
ចន្លោះមិនឃើញ
អ្នកចាត់ការទូទៅក្លឹប Manchester United លោក Erik Ten Hag មិនដឹងថាពេលណាទើបខ្សែស្លាប Jadon Sancho នឹងត្រលប់មកចូលរួមហាត់ជាមួយក្លឹបវិញនោះទេ។
លោក Ten Hag បានបង្ហើបប្រាប់អ្នកសារព័ត៌មានថា លោកបាននិយាយជាមួយ Sancho ជាច្រើនដង ក៏ប៉ុន្តែនៅតែមិនដឹងថាពេលណាកីឡាកររូបនេះនឹងត្រលប់មកចូលរួមហាត់ជាមួយក្លឹបបិសាចក្រហមវិញ។ លោកបន្ថែមទៀតថា គោលបំណងរបស់ក្លឹបគឺចង់ឲ្យ Sancho ត្រលប់មកហាត់ជាមួយក្លឹបវិញកាន់តែលឿនកាន់តែល្អ។
បើតាមការចុះផ្សាយរបស់សារព័ត៌មានធំៗជាច្រើនបានឲ្យដឹងថា Sancho បាននិងកំពុងហ្វឹកហាត់ជាលក្ខណៈឯកជននៅប្រទេសហុល្លង់តាំងពីខែវិច្ឆិកាមក។ ការណ៍នេះកើតឡើងក្រោយកីឡាកររូបនេះមិនបានជាប់ឈ្មោះក្នុងក្រុមជម្រើសជាតិអង់គ្លេសដែលត្រូវលេង World Cup ឆ្នាំ ២០២២នេះនៅកាតា។
ក្រោយពីផ្ទេរពី Borrussia Dortmund ដើម្បីមកចូលរួមជាមួយបិសាចក្រហម កាលពីខែកក្កដា ឆ្នាំ ២០២១ មក Sancho ត្រូវបានមជ្ឈដ្ឋានបាល់ទាត់ជាច្រើនមើលឃើញថា មិនទាន់រកឃើញទម្រង់លេងល្អរបស់ខ្លួននៅឡើយទេនៅអង់គ្លេស។ ខែ្សស្លាបវ័យ ២២ឆ្នាំរូបនេះ លេងបាន ៣៨ ប្រកួតកាលពីរដូវកាលមុន និងស៊ុតចូលបាន ៥ គ្រាប់។ ក្នុងរដូវកាលនេះ Sancho លេងបានត្រឹម ១៤ ប្រកួត និងស៊ុតចូល ៣ គ្រាប់៕
