- 2022-12-13 19:38:47
- បាល់ទាត់
ត្រៀមទៅ! Messi និយាយបែបនេះទៅកាន់ក្រុមដែលត្រូវប៉ះនៅផ្ដាច់ព្រ័ត្រ World Cup
- 2022-12-13 19:38:47
- ចំនួនមតិ 0 | ចំនួនចែករំលែក 0
ត្រៀមទៅ! Messi និយាយបែបនេះទៅកាន់ក្រុមដែលត្រូវប៉ះនៅផ្ដាច់ព្រ័ត្រ World Cup
ចន្លោះមិនឃើញ
ខ្សែប្រយទ្ធ Lionel Messi ជាតួអង្គសំខាន់ណាស់ក្នុងការប្រកួតយកឈ្នះលើក្រុមក្រូអាតក្នុងលទ្ធផល ៣-០ នាការប្រកួតវគ្គពាក់កណ្ដាលផ្ដាច់ព្រ័ត្រ FIFA World Cup 2022 ។
Messi រកបាន១គ្រាប់និងបញ្ជូនបាល់ឱ្យមិត្ដរួមក្រុមក្នុងការយកឈ្នះលើក្រុមក្រូអាត ក៏ដូចជាការសងសឹកបានសម្រេចផងដែរ ព្រោះពួកគេធ្លាប់ចាញ់ ៣-០ ម្ដងមកហើយនៅ World Cup ២០១៨ កន្លងទៅ។ ជ័យជម្នះនេះពិតជាកម្លាំងចិត្តដ៏ធំមែនទែនសម្រាប់ក្រុមអាហ្សង់ទីនដើម្បីទៅលេងនៅវគ្គផ្ដាច់ព្រ័ត្រម្ដងទៀត ដូចដែលឆ្នាំ២០១៤កន្លងទៅដែលពួកគេបានឡើងដល់ដែរ។
Messi ខ្សែប្រយុទ្ធរកបានសរុប៥គ្រាប់ និងបញ្ជូនបាល់ឱ្យមិត្តរួមក្រុមបាន៣គ្រាប់ និយាយក្រោយការប្រកួតថា៖ “ខ្ញុំចូលចិត្តការប្រកួត World Cup នេះណាស់។ ខ្ញុំមានអារម្មណ៍ល្អមែនទែន ហើយក៏ខ្លាំងគ្រប់គ្រាន់ក្នុងការជួបអ្វីក៏បាន។ វាមិនងាយស្រួលទេក្នុងការឡើងដល់វគ្គនេះ យើងហត់នឿយ ប៉ុន្តែយើងក៏អាចរកឃើញការជំរុញទឹកចិត្ត កម្លាំងចិត្តដើម្បីយកឈ្នះការប្រកួតបានដែរ។ ខ្ញុំពិតជាសប្បាយចិត្តមែនទែន។ ក្រុមរបស់យើងពោរពេញដោយទេពកោសល្យនិងការតាំងចិត្ត។ យើងអាចយល់ពីដៃគូបានលឿន ដើម្បីរកវិធីទប់ទល់និងយកឈ្នះ។ យើងបានឈ្នះ៥ប្រកួតមកហើយ ដូច្នេះខ្ញុំសង្ឃឹមថាយើងនឹងឈ្នះការប្រកួតចុងក្រោយមួយទៀត។ យើងមានទំនុកចិត្តថាយើងអាចធ្វើបាន”៕
