- 2022-08-25 23:58:39
- បាល់ទាត់
ក្រុមនារី GO FC ឈ្នះពានកម្រិតយុវជន ក្នុងការប្រកួត ISI Community Cup
- 2022-08-25 23:58:39
- ចំនួនមតិ 0 | ចំនួនចែករំលែក 0
ក្រុមនារី GO FC ឈ្នះពានកម្រិតយុវជន ក្នុងការប្រកួត ISI Community Cup
ចន្លោះមិនឃើញ
កម្មវិធីប្រកួតបាល់ទាត់យុវជន ISI Community Cup នៅទីលាន KMH Park បានបញ្ចប់ទៅដោយភាពសប្បាយរីករាយ ដោយមានក្មេងៗចូលរួមយ៉ាងច្រើនកុះករពីបណ្ដាសាលារៀន និងអង្គការនានា។
ដោយក្នុងការប្រកួតនោះដែរ មានបែងចែកជាផ្នែកក្មេងប្រុស និងក្មេងស្រី ហើយមានកម្រិតយុវជនច្រើនផងដែរ។ ក្នុងនោះក្រុមនារីរបស់ GO FC ក៏បានចូលរួមដូចគ្នា និងធ្វើការប្រកួតប្រជែងជាមួយក្រុមនារីដទៃទៀត រហូតឈ្នះពានរង្វាន់ថែមទៀត។ នេះសបញ្ជាក់ឱ្យឃើញថាការអភិវឌ្ឍបាល់ទាត់តាំងពីកម្រិតយុវជនទៅ ពិតជាសំខាន់និងធ្វើឱ្យពួកគេយល់ច្បាស់ពីបាល់ទាត់មិនខាន។
លោក សៀក សុវណ្ណ អគ្គលេខាធិការក្លឹបបាល់ទាត់ អាយ អេស អាយ ដង្កោសែនជ័យបានលើកឡើងក្នុងកម្មវិធីនោះថា លោកពិតជាសប្បាយចិត្ត ក្រោយមានការចូលរួមគាំទ្រយ៉ាងច្រើនបែបនេះ។ លោកក៏បានបញ្ជាក់ទៅកាន់ក្មេងៗដែលបានចូលរួមទាំងអស់ថា រាល់ថ្ងៃសៅរ៍ វេលាម៉ោង ៥ ដល់ម៉ោង ៩ យប់ក្មេងៗអាចមកលេងបាល់នៅតារាង KHM Park ដោយមិនគិតលុយ ហើយរាល់ថ្ងៃសៅរ៍នេះក្រុមការងារបានដាក់ឈ្មោះថា «សហគមន៍ ISI »។
ការប្រកួតមានបែងចែកទៅតាមកម្រិតអាយុគឺ U6 ៤ក្រុម U10 ៤ក្រុម U12 ៤ក្រុម និង U14 ៤ក្រុម។ ក្នុងថ្ងៃនោះដែរក៏មានបង្ហាញពីការជួសជុលទីលាន KMH Park របស់ក្លឹបបាល់ទាត់ អាយ អេស អាយ ដង្កោជ័យ ដោយកែលម្អ ឡើងវិញនៅដើមឆ្នាំ២០២២នេះ ដើម្បីឲ្យស្របទៅនឹង លក្ខន្តិកៈរបស់ក្រុមហ៊ុន Cambodian Premier League។
