- 2022-08-15 23:40:18
- បាល់ទាត់
Spurs និង AIA យកថវិកា ៤ម៉ឺនដុល្លារជូនអង្គការផ្កាយសមុទ្រថ្ងៃផ្តាច់ព្រ័ត្រ AIA-ISF Grand Championship Leauge
- 2022-08-15 23:40:18
- ចំនួនមតិ 0 | ចំនួនចែករំលែក 0
Spurs និង AIA យកថវិកា ៤ម៉ឺនដុល្លារជូនអង្គការផ្កាយសមុទ្រថ្ងៃផ្តាច់ព្រ័ត្រ AIA-ISF Grand Championship Leauge
ចន្លោះមិនឃើញ
ក្លឹបបាល់ទាត់ Tottenham Hotspur និងក្រុមហ៊ុនធានារ៉ាប់រងអាយុជីវិត AIA បាននាំយកថវិកាចំនួន៤ម៉ឺនដុល្លារអាមេរិកផ្ដល់ជូនអង្គការផ្កាយសមុទ្រកម្ពុជាក្នុងឱកាសបិទការប្រកួតបាល់ទាត់ កុមារ និងយុវជន AIA - ISF Grand Championship League កាលពីថ្ងៃអាទិត្យទី១៤ ខែសីហា ឆ្នាំ២០២២ ដែលបានរកឃើញជើងឯកអស់ហើយ ដោយការប្រកួតធ្វើឡើងនៅទីលានអង្គការផ្កាយសមុទ្រ បន្ទាប់ពីមានការសហការគ្នារៀបចំដោយ អង្គការផ្កាយសមុទ្រ (ISF) និងក្រុមហ៊ុន AIA Cambodia ។
ក្លឹបបាល់ទាត់ Tottenham Hotspur មានក្តីសោមនស្សយ៉ាងខ្លាំងក្នុងការប្រកាសជាព័ត៌មានថាក្លឹប បានបរិច្ចាគថវិកាចំនួន ៤០,០០០ ដុល្លារអាមេរិកដល់អង្គការផ្កាយសមុទ្រ ជាអង្គការក្រៅ រដ្ឋាភិបាលមួយ ដែលប្តេជ្ញាចិត្តក្នុងការផ្លាស់ប្តូរជីវិតកុមារ និងយុវជនក្រីក្រ ។
ចំនួនថវិកានេះគឺដូចគ្នាទៅនឹងការឧបត្ថម្ភគាំទ្ររយៈពេលមួយឆ្នាំពេញរបស់ក្រុមហ៊ុនធានារ៉ាប់រង អាយុជីវិត AIA ដែលជា ដៃគូអន្តរជាតិរបស់ក្លឹបបាល់ទាត់នេះ និងជាអ្នកឧបត្ថម្ភគាំទ្រដ៏យូរអង្វែង របស់អង្គការផ្កាយសមុទ្រ ដែលនិមិត្តសញ្ញារបស់អង្គការនេះធ្លាប់ត្រូវបានដាក់បង្ហាញនៅផ្ទៃខាង មុខអាវកីឡាករពាក់ប្រកួត ក្នុងការប្រកួតបាល់ទាត់ Premier League កាលពីខែឧសភា ឆ្នាំ២០២១ កន្លងទៅ ។
ថវិកាទទួលបានពីការបរិច្ចាគនេះនឹងត្រូវបានប្រើប្រាស់ ដើម្បីឧបត្ថម្ភគាំទ្រដល់កុមារក្រីក្រអាយុ ចន្លោះពី៨ ដល់១១ឆ្នាំ ដែលកំពុងរស់នៅក្នុងរាជធានីភ្នំពេញ ប្រទេសកម្ពុជា ឲ្យទទួលបានឱកាស រៀនសូត្រ ដែលកុមារក្រីក្រភាគច្រើនត្រូវឈប់រៀន ដើម្បីជួយរកប្រាក់ចំណូលចិញ្ចឹមគ្រួសារ ។
អង្គការផ្កាយសមុទ្រ គឺជាអង្គការក្រៅរដ្ឋាភិបាលនៅកម្ពុជាមួយ ដែលប្ដេជ្ញាចិត្តជួយកសាងជីវិតដ៏ល្អ ប្រសើរ និងត្រចះត្រចង់ ដោយផ្តល់លទ្ធភាពស្មើរៗគ្នាក្នុងការអប់រំ សេវាថែទាំសុខភាព និងកីឡា ។ អង្គការផ្កាយសមុទ្របានបង្កើតព្រឹត្តិការណ៍ប្រកួតបាល់ទាត់កុមារ និងយុវជននៅឆ្នាំ២០០៩ ក្នុងគោល បំណងនាំយកឱកាសលេង និងហ្វឹកហាត់កីឡាទៅដល់កុមារ និងយុវជនក្រីក្រជាច្រើន ។
ក្រោមកិច្ចសហការជិតស្និតជាមួយនឹងក្រុមហ៊ុនធានារ៉ាប់រងអាយុជីវិតដ៏ធំមួយ AIA Cambodia ចាប់តាំងពីឆ្នាំ២០១៧មក អង្គការផ្កាយសមុទ្របានកំពុងតែផ្តោតលើការបង្កើនការចូលរួម លេងបាល់ទាត់ ដោយពង្រីកវិសាលភាពនៃព្រឹតិ្តការណ៍ប្រកួតបាល់ទាត់កុមារ និងយុវជន ។ ឆ្នាំ២០២២ នេះ គឺជាឆ្នាំដំបូងហើយ ដែលដៃគូរបស់អង្គការផ្កាយសមុទ្រ បានសហការរៀបចំការប្រកួតបាល់ទាត់ នេះនៅរាជធានីភ្នំពេញ និងខេត្តនានាដូចជា៖ ក្រុងកំពត ក្រុងសៀមរាប និងខេត្តកំពង់ស្ពឺជាដើម ។ ដោយវត្តមានកុមារ និងយុវជនចូលរួមជិត ២,០០០នាក់ ព្រឹត្តិការណ៍ប្រកួតវិលជុំនេះបានរួមចំណែកយ៉ាងធំធេងក្នុងការលើកកម្ពស់សមភាពយេនឌ័រក្នុងសកម្មភាពកីឡាសម្រាប់កីឡាការនីជិត ៧២៥នាក់ ។
អ្នកស្រី Donna-Maria Cullen នាយកប្រតិបត្តិរបស់ក្លឹបបាល់ទាត់ Tottenham Hotspur បាន មានប្រសាសន៍ថា៖ “ពួកយើងមានមោទនភាពយ៉ាងធំធេង ដែលបានរួមសហការជាមួយនឹងដៃគូដ៏ល្អគឺក្រុមហ៊ុនធានារ៉ាប់រងអាយុជីវិត AIA ដែលបានណែនាំពួកយើងឲ្យបានស្គាល់ពីការងាររបស់ អង្គការផ្កាយសមុទ្រ ដែលយើងបានឃើញថាជាអង្គការក្រៅរដ្ឋាភិបាលមួយ ដែលបានបង្កើតឲ្យ មានការផ្លាស់ប្តូរយ៉ាង ពិតប្រាកដដល់ជីវិតកុមារ និងយុវជនក្រីក្រជាច្រើន»។
លោកស្រី ជួប វិច្ឆិកា ជាប្រធានគ្រប់គ្រងប្រចាំប្រទេសរបស់អង្គការផ្កាយសមុទ្របានឆ្លុះបញ្ជាំងអំពី ព្រឹត្តិការណ៍ប្រកួតវិលជុំឆ្នាំនេះ ក៏ដូចជាផលវិជ្ជមាននៃការប្រកួតនេះថា៖ “ ដោយពង្រីកវិសាលភាពនៃ ការប្រកួតនេះ ពួកយើងបាននាំយកឱកាសប្រកួតប្រជែងបាល់ទាត់ទៅដល់កុមារ និងយុវជនជាច្រើន នៅក្រុងកំពត ក្រុងសៀមរាប និងខេត្តកំពង់ស្ពឺ ដែលនេះក៏ជាឱកាសដំបូងបង្អស់សម្រាប់ពួកគេទៀតផង ។ ស្នាមញញឹម សំឡេងហ៊ោកញ្ជ្រៀវ និងស្មារតីស្រលាញ់កីឡារបស់កីឡាករ កីឡាការនីទាំង អស់គឺពិតជាធ្វើឲ្យខ្ញុំរំភើបចិត្តយ៉ាងខ្លាំង ។ ព្រឹត្តិការណ៍ប្រកួតបាល់ទាត់កុមារ និងយុវជន AIA - ISF Youth League នេះបានជួយលើកកម្ពស់ និងផ្តល់ឱកាសដល់កុមារ និងយុវជនជាច្រើន ដែលរងផល ប៉ះពាល់ដោយសារតែភាពក្រីក្រ ការរើសអើងយេនឌ័រ និងពិការភាពជាដើម ហើយខ្ញុំពិតជាមាន ក្តីសោមនស្សយ៉ាងខ្លាំង ដែលបានឃើញពីភាពរីកចម្រើន ដ៏គួរឲ្យកត់សម្គាល់នៃសហគមន៍នានា ទូទាំងប្រទេសកម្ពុជា ។ ជាមួយគ្នានេះផងដែរ ខ្ញុំសូមថ្លែងអំណរគុណយ៉ាងជ្រាលជ្រៅចំពោះកិច្ច សហការដ៏យូរអង្វែងជាមួយនឹងក្រុមហ៊ុន AIA Cambodia ។ តាមរយៈកិច្ចគាំទ្ររបស់ក្រុមហ៊ុននេះ អង្គការផ្កាយសមុទ្រអាចធ្វើការពង្រីកវិសាលភាពនៃការប្រកួតបាល់ទាត់កុមារ និងយុវជន ក៏ដូចជា បន្តបេសកកម្មរបស់ពួកយើងក្នុងការកសាងជីវិតដ៏ល្អប្រសើរសម្រាប់កុមារ និងយុវជនទាំងនោះ ”។
លោកស្រីបន្ថែមថា កម្មវិធីលើកនេះមិនអាចដំណើរការទៅបានឡើយបើសិនគ្មានការជួយឧបត្ថម្ភពី AIA នេះជាឆ្នាំទី៥ ហើយដែល AIA បានជួយដល់អង្គការផ្កាយសមុទ្រ។ ជាមួយគ្នានោះពីខាង ក្លឹប Tottenham Hotspur បាននាំយកថវិកាចំនួន ៤ ម៉ឺនដុល្លារអាមេរិកសម្រាប់ការជួយទ្រទ្រង់ដល់ អង្គការផ្កាយសមុទ្រ។ ក្នុងឱកាសនោះលោកស្រីពិតជាបានថ្លែងអំណរគុណទាំងអស់រាល់អ្នកដែលពាក់ព័ន្ធ។
ព្រឹត្តិការណ៍ប្រកួតវគ្គផ្តាច់ព្រ័ត្រ ដែលមានរយៈពេលមួយថ្ងៃពេញនេះនឹងទទួលស្វាគមន៍វត្តមានក្រុម កីឡាករ-កីឡាការនីទៅតាមប្រភេទអាយុចំនួន ៤ រួមមានដូចជា៖ ក្រុមកុមារាអាយុក្រោម ១០ឆ្នាំ និងក្រោម ១៤ឆ្នាំ ក្រុមកុមារីអាយុក្រោម ១៤ឆ្នាំ និងក្រោម ១៨ឆ្នាំ ។
លទ្ធផល៖
U18 Girls League Champion ៖ លេខ១បានទៅ Feeding Dream (សៀមរាប), លេខ ២ បានទៅសហគមន៍បាល់ទាត់កំពង់ស្ពឺ (ខេត្តកំពង់ស្ពឺ), លេខ៣បានទៅ អង្គការផ្កាយសមុទ្រស្ទឹងមានជ័យ។
U14 Boys League Champion ៖ លេខ១ បានទៅ ឃីង ឡាយ អិន (កំពង់ស្ពឺ), លេខ២បានទៅ សាលាបឋមសិក្សាកំពូលមាស (ខេត្តកំពត), សាលាបឋមសិក្សា ពញាពន់ (ភ្នំពេញ)។
U14 Girls League Champion ៖ លេខ១បានទៅ ផ្លូវជីវិត United 1 (ខេត្តសៀមរាប), លេខ ២ បាន ទៅ សាលាបឋមសិក្សា កំពូលមាស (ខេត្តកំពត), លេខ៣បានទៅកូននាគវត្តភ្នំ (កំពង់ស្ពឺ) ។
U10 Boys League Champion ៖ សាមគ្គីមានជ័យកូននាគជាយដែន SK (បាត់ដំបង), លេខ២បានទៅនគរក្រៅ (សៀមរាប) និងលេខ៣បានទៅ ឌី ធី អេហ្វ ស៊ី (កំពង់ស្ពឺ) ៕
