​Ana Maria Markovic ​ត្រូវ​បាន​គេ​ចាត់​ទុក​ជា​កីឡា​ការិនី​ស្អាត សិចស៊ី​បំផុត​នៅ​លើ​លោក​នេះ ​ដោយ​នាង​បច្ចុប្បន្ន​លេង​នៅ​ក្លឹប Grasshopper ​នៅ​ប្រទេស​ស្វីស។

​នាង Markovic ​កើត​នៅ​ស្វីស​ស្រាប់ ប៉ុន្តែ​លេង​នៅ​ជម្រើស​ជាតិ​ក្រូអាត។ វ័យ​ត្រឹម​២២​ឆ្នាំ​នេះ ​នាង​ត្រូវ​បាន​គេ​ចាប់​អារម្មណ៍​ខ្លាំងនិង​ចាត់​ទុក​ថា​ជា​​កីឡា​ការិនី​ស្អាត​បំផុត ​ក្រោយ​ពី​ជាប់​ជម្រើស​ជាតិ​ក្រូអាត​ជា​លើក​ដំបូង។ ​នាង​បាន​បញ្ជាក់​ថា​ការ​សរសើរ​ពី​សម្រស់​ពិត​ជា​ធ្វើ​ឱ្យ​នាង​សប្បាយ​ចិត្ត​មែន ប៉ុន្តែ​ក្នុង​នោះ​នាង​ក៏​ចង់​ផ្ដោត​លើ​អាជីព​បាល់ទាត់​នេះ​ដែរ ​មិន​មែន​យក​សម្រស់​ជា​អាជីព​ឡើយ។

​សម្រាប់​ក្នុង​វិស័យ​បាល់ទាត់​នេះ​ដែរ ​ស្រី​ស្រស់​ខាង​លើ​បាន​យក Cristiano Ronaldo ​ជា Idol ​របស់​ខ្លួន ​ព្រោះ​លេង​នៅ​តំបន់​ប្រយុទ្ធ​ដូច​គ្នា។ Markovic ​បញ្ជាក់​ថា​ការ​យក​ចិត្ត​ទុក​ដាក់ ​ប្រឹងប្រែង​ហ្វឹកហាត់ ​និង​ផ្ដល់​គ្រប់​យ៉ាង​ដល់​បាល់ទាត់​គឺ​ជា​រឿង​សំខាន់​ណាស់​ក្នុង​អាជីព​នេះ ដូច​អ្វី​ដែល​គ្រប់​គ្នា​បាន​ដឹង​និង​ឃើញ Ronaldo ​ធ្វើ​ជា​គំរូ​ស្រាប់៕