Koeman ថា Barcelona នៅតែអាចឈ្នះ La Liga បាន

2020-12-13 19:15:30
បាល់ទាត់

2020-12-13 19:15:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម FC Barcelona បានយកឈ្នះលើក្រុម Levante ក្នុងលទ្ធផល ១-០ សម្រាប់ការប្រកួតពានរង្វាន់ La Liga នៅយប់មិញនេះ។

១គ្រាប់ជ័យជម្នះរបស់ក្រុម Barcelona នេះ ធ្វើបានសម្រេចដោយ Lionel Messi នៅនាទី៧៦។ វាជាការទទួលបាន៣ពិន្ទុយ៉ាងសំខាន់សម្រាប់ក្រុម ក្រោយពីធ្វើមិនបានល្អសោះនៅប៉ុន្មានកន្លងមកនេះ។ លោក Ronald Koeman នៅតែមានទំនុកចិត្តថាក្រុមនឹងល្អប្រសើរឡើងវិញមិនខាន នៅខាងមុខទៀត។

អ្នកចាត់ការហុល្លង់ខាងលើបានបន្ដបែបនេះថា៖ “ច្បាស់ណាស់ក្រុមយើងនៅតែអាចឈ្នះពានបាន។ ប្រសិនបើយើងពង្រឹងសមត្ថភាពនិងផ្ដល់ភាពជឿជាក់លើខ្លួនឯង។ នៅសល់ការប្រកួតជាច្រើនទៀត វានៅតែបង្ហាញថាយើងនៅមានសង្ឃឹមជានិច្ច”។

រំលឹកថា៣ពិន្ទុបន្ថែមនៅយប់មិញនេះ បានធ្វើឱ្យក្រុម Barcelona ចាញ់ក្រុមកំពូលតារាង Real Sociedad ត្រឹម៩ពិន្ទុប៉ុណ្ណោះ ខណៈដែលពួកគេនៅសល់២ប្រកួតក្នុងដៃទៀត៕