- 2014-11-20 10:55:31
- បាល់ទាត់
កូនប្រុស Pele ត្រូវជាប់គុក៣៣ឆ្នាំនៅប្រេស៊ីល
- 2014-11-20 10:55:31
- ចំនួនមតិ 0 | ចំនួនចែករំលែក 0
កូនប្រុស Pele ត្រូវជាប់គុក៣៣ឆ្នាំនៅប្រេស៊ីល
ចន្លោះមិនឃើញ
កូនប្រុសវីរបុរសបាល់ទាត់ប្រេស៊ីល Pele ដែលមានឈ្មោះថា Edson Cholbi do Nascimento (Edinho) ត្រូវបានប៉ូលិសចាប់ខ្លួន ហើយត្រូវបានតុលាការកាត់ទោសជាប់គុក រយៈពេល៣៣ឆ្នាំ ពីបទលាងលុយកខ្វក់ និងជួញដូរថ្នាំញៀន។
Edinho ជាប់ចោទពីបទលាងលុយកខ្វក់ និងជួញដូរថ្នាំញៀននេះតាំងពីដើមឆ្នាំនេះម៉្លេះ ដោយត្រូវជាប់គុក៣៣ឆ្នាំ ប៉ុន្តែដោយសារមានមេធាវីធានា ទើបគេអាចនៅក្រៅឃុំសិនជាបណ្ដោះអាសន្នរហូតដល់ការកាត់ក្ដីដឹងខុសត្រូវ។ រហូតមកដល់ម្សិលមិញនេះ តុលាការព្រហ្មទណ្ឌនៅប្រទេសប្រេស៊ីលបានបិទបញ្ចប់រឿងក្ដីនោះ ហើយសម្រេចថាកូនប្រុសរបស់ Pele ដែលមានវ័យ៤៤ឆ្នាំរូបនេះត្រូវជាប់គុករយៈពេល៣៣ឆ្នាំ។
ចំពោះរឿងចាប់ខ្លួន និងបញ្ចប់ក្ដីដោយតក់ក្រហល់យ៉ាងនេះ ខាងមេធាវីរបស់ Edinho ក៏មានការភ្ញាក់ផ្អើល ព្រោះដំណើរការរឿងក្ដីដូចជាលឿនពេក ហើយក៏បានរៀបចំឯកសារបន្តរឿងក្ដីនេះទៅតុលាការកំពូលទៀតដែរ។
Edinho ជាអតីតអ្នកចាំទីរបស់ក្លិប Santos ហើយរូបគេក៏ធ្លាប់ជាប់ឃុំរយៈពេល៦ខែម្ដងមកហើយនៅឆ្នាំ២០០៥ពីបទវាយគេឯងនៅក្នុងក្លិបជាមួយក្រុមឧក្រិដ្ឋជន៕
ចុចអាន៖ វីរបុរសបាល់ទាត់ប្រេស៊ីល Pele ចូលពេទ្យ?
ប្រែសម្រួល៖ មុន្នី រម្យ ប្រភព៖dailymail
