- 2016-12-01 01:04:54
- ព័ត៌មាន
ទិវាយានយន្តកម្ពុជាមានទាំងយន្តហោះនឹងរៀបចំលើកដំបូងដើមឆ្នាំ២០១៧
- 2016-12-01 01:04:54
- ចំនួនមតិ 0 | ចំនួនចែករំលែក 0
ទិវាយានយន្តកម្ពុជាមានទាំងយន្តហោះនឹងរៀបចំលើកដំបូងដើមឆ្នាំ២០១៧
ចន្លោះមិនឃើញ
ទិវាយានយន្តកម្ពុជាដ៏ធំនឹងត្រូវរៀបចំជាលើកដំបូងនៅខែមករា ឆ្នាំ២០១៧ខាងមុខនៅអាកាសយានដ្ឋានខេត្តបាត់ដំបងដែលព្រឹត្តិការណ៍ពិសេសថ្មីនេះរៀបចំឡើងដោយសហព័ន្ធកូឡាយានយន្តកម្ពុជា។
ក្នុងសន្និសីទសារព័ត៌មានកាលពីថ្ងៃទី៣០ ខែវិច្ឆិកា ម្សិលមិញ លោក ហូរ សិទ្ធិគុណ អនុប្រធានសហព័ន្ធកីឡាយានយន្ដកម្ពុជាបានឲ្យដឹងថា ទិវាយានយន្តកម្ពុជានេះជាលើកដំបូងហើយសម្រាប់ប្រទេសកម្ពុជា។ យានយន្តជាច្រើនប្រភេទដែលត្រូវចូលរួមដូចជាយន្តហោះប្រភេទស្លាបធុនតូចចាប់ពី ៥ទៅ១០គ្រឿងចូលរួមក្នុងនោះឧទ្ធម្ភាគចក្ររបស់ក្រុមហ៊ុន Heli Star ២គ្រឿង រថយន្ដចំនួន១០០គ្រឿង ទោចក្រយានយន្ដ១០០គ្រឿង និងការបង្ហាញផលិតផលយានយន្ដថ្មីៗជាច្រើនទៀត។
លោក សិទ្ធិគុណ បន្តថា ពិធីនេះក៏មានលោតឆត្រយោងពីឧទ្ធម្ភាគចក្រមកដី។ ការបង្ហាញសមត្ថភាពនៃការបើកយន្ដហោះ ការបើករថយន្ដ និងម៉ូតូ។ ទន្ទឹមជាមួយ សិស្ស និងនិស្សិតដែលសិក្សានៅខេត្តសៀមរាប និងបាត់ដំបង នឹងត្រូវអញ្ជើញឲ្យចូលរួមក្នុងព្រឹត្តិការណ៍នេះផងដែរដើម្បីពង្រីកចំណេះដឹងថ្មីពីរបៀបប្រើប្រាស់យន្ដហោះ រថយន្ត និងម៉ូតូ។
លោក អនុប្រធានសហព័ន្ធរូបនេះបន្ថែមថា ថវិកាដែលបានពីព្រឹត្តិការណ៍នេះគឺយកទៅប្រើប្រាស់ក្នុងគោលដៅមនុស្សធម៌ដូចជាជូនដល់មន្ទីរពេទ្យ និងជួយដល់ជនរងគ្រោះដោយសារគ្រោះថ្នាក់ចរាចរណ៍។
សហព័ន្ធយានយន្តកម្ពុជាបានជ្រើសរើសប្រលានយន្ដហោះខេត្តបាត់ដំបងសម្រាប់រៀបចំព្រឹត្តិការណ៍នេះដោយសារប្រលាននេះមិនមែនជាប្រលានយន្តហោះអន្តរជាតិដែលមានសកម្មភាព ហោះហើរមមាញឹកនោះទេ៕
