- 2022-04-23 02:38:57
- កីឡាផ្សេងៗ
Khmer Rally Raid Practice 2022 រៀបចំឡើងជាការផ្សព្វផ្សាយកីឡាប្រណាំងឡាន ម៉ូតូ
- 2022-04-23 02:38:57
- ចំនួនមតិ 0 | ចំនួនចែករំលែក 0
Khmer Rally Raid Practice 2022 រៀបចំឡើងជាការផ្សព្វផ្សាយកីឡាប្រណាំងឡាន ម៉ូតូ
ចន្លោះមិនឃើញ
Khmer Rally Raid Practice 2022 ដែលជាកម្មវិធីប្រណាំងឡាន ម៉ូតូ ឆ្លងកាត់ឧបសគ្គ និងឆ្លងកាត់ជាច្រើនខេត្តនៅថ្ងៃទី១៤ ឧសភា ធ្វើឡើងក្នុងគោលបំណងពង្រីកការផ្សព្វផ្សាយ និងស្វែងរកធនធានបន្ថែមផ្នែកកីឡានេះ។
លោក ហូ សិទ្ធិគុណ ក្រុមការងារ Kara កម្ពុជាបានឲ្យដឹងថា កម្មវិធីប្រណាំងយាន្តយន្តឆ្លងកាត់ឧបសគ្គ ឬ Khmer Rally Raid Practice 2022 នេះគឺកំពុងទទួលបានការចុះឈ្មោះជាបន្តបន្ទាប់ទាំងផ្នែកឡាន និងម៉ូតូ។
តំណាងក្រុមការងារខាងលើនេះបន្ថែមទៀតថា ចំពោះគោលបំណងនៃកម្មវិធីប្រណាំងនេះគឺមានច្រើនដូចជា បណ្ដុះធនធានបង្កើនបទពិសោធកីឡាករថ្មីៗ ពង្រីកផ្សព្វផ្សាយឲ្យបានផុលផុសលើវិស័យកីឡាយន្តយាននេះ។ ជាមួយគ្នានេះដែរក៏ជាការរួមចំណែកផ្សព្វផ្សាយតំបន់ទេសចរណ៍ផ្សេងៗរបស់កម្ពុជា និងពិសេសទៀតនោះគឺការរៀបចំការប្រកួតទាំងស្រុងដោយធនធានខ្មែរសុទ្ធសាធដោយខ្លួនឯង។
រំលឹកដែរថា កម្មវិធីប្រណាំងយន្តយានឆ្លងកាត់ឧបសគ្គ ឬ Khmer Rally Raid Practice 2022 និងធ្វើឡើងនៅភ្នំពេញ កំពត និងកំពង់សិលា ចាប់ពីថ្ងៃទី១៤ ដល់ ១៥ ខែឧសភា ឆ្នាំ២០២២។ ប្រសិនលោកអ្នកចាប់អារម្មណ៍ចង់ចូលរួមអាចទាក់ទងទៅកាន់ផេន KARA បាន៕
