- 2022-03-03 21:29:59
- កីឡាផ្សេងៗ
សហព័ន្ធកីឡាប៊ូល ចាប់ផ្ដើមប្រកួតជើងឯកថ្នាក់ជាតិរបស់ខ្លួនរយៈពេល ៣ថ្ងៃ ចម្រាញ់រកជើងខ្លាំង
- 2022-03-03 21:29:59
- ចំនួនមតិ 0 | ចំនួនចែករំលែក 0
សហព័ន្ធកីឡាប៊ូល ចាប់ផ្ដើមប្រកួតជើងឯកថ្នាក់ជាតិរបស់ខ្លួនរយៈពេល ៣ថ្ងៃ ចម្រាញ់រកជើងខ្លាំង
ចន្លោះមិនឃើញ
សហព័ន្ធកីឡាប៊ូល និងប៉េតង់កម្ពុជា ព្រឹកមិញនេះបានធ្វើពិធីបើកការប្រកួតជើងឯកថ្នាក់ជាតិ ២០២១ របស់ខ្លួនដើម្បីចម្រាញ់រកជើងខ្លាំង និងក្រុមមានសមត្ថភាពលេចធ្លោ។
ឯកឧត្ដម ស សុខា លើកឡើងថា ក្នុងប្រធានសហព័ន្ធសូមកោតសរសើរដល់មន្ត្រី លោកគ្រូ អ្នកគ្រូទាំងអស់ដែលបានយកចិត្តទុកដាក់ដឹកនាំសហព័ន្ធឆ្ពោះទៅរកភាពរីកចម្រើន និងអភិវឌ្ឍន៍ប្រកបដោយនិរន្តរភាពជាការត្រៀមស៊ីហ្គេម លើកទី៣១ និង ៣២ កម្ពុជាធ្វើជាម្ចាស់ផ្ទះ។
ប្រធានសហព័ន្ធខាងលើនេះក៏បានសរសើរពីការរីកចម្រើនក្រុមយុវជនតាមបណ្ដាខេត្តនានាដែលមានសមត្ថភាពលេចធ្លោ និងមានបទពិសោធប្រកួតគួរឲ្យកត់សម្គាល់ដែលអាចប្រជែងជាមួយក្រុមខ្លាំងដូចជាជម្រើសជាតិទៀតផង។ ដូច្នេះសូមលោកគ្រូ អ្នកគ្រូបន្តប្រឹងប្រែងជំរុញ និងលើកទឹកចិត្តដល់ក្រុមយុវជនបន្តទៀតដើម្បីជាធនធានស្នងអ្នកចាស់ៗ។
ចំពោះការប្រកួតនៅព្រឹកនេះសូមកីឡាករ កីឡាការិនីចូលរួមទាំងអស់ប្រឹងប្រែងប្រកួតឲ្យអស់ពីសមត្ថភាព និងព្យាយាមកែតម្រូវចំណុចខ្វះខាតរបស់ខ្លួនដែលធ្វើមិនបានល្អ។ ចំណែកអ្នកដែលឈ្នះការប្រកួតក៏បន្តខំប្រឹងហ្វឹកហាត់បន្ថែមទៀតដែរមិនត្រូវបណ្ដោយនោះទេ។
រំលឹកដែរថា សហព័ន្ធកីឡាប៊ូល និងប៉េតង់ ធ្វើការប្រកួតជើងឯកថ្នាក់ជាតិរបស់ខ្លួនព្រឹកមិញនេះវិទ្យាស្ថានអប់រំកាយ និងកីឡា។ ការប្រកួតនេះចាប់ពីថ្ងៃទី៤ ដល់ ៦ ខែមីនា ២០២២ ក្នុងនោះប្រកួត ៦វិញ្ញាសា ៣ទល់៣ បុរស-នារី វាយយកពិន្ទុ បុរស-នារី និងយុវជន បុរស-នារី៕
