- 2021-12-28 02:13:48
- កីឡាផ្សេងៗ
កីឡាការ៉ាតេ៖ ឈ្នះមេដាយសំរឹទ្ធ២គ្រឿងពីជើងឯកអាស៊ី បញ្ជាក់ពីជោគជ័យលើ២ចំណុចធំៗ
- 2021-12-28 02:13:48
- ចំនួនមតិ 0 | ចំនួនចែករំលែក 0
កីឡាការ៉ាតេ៖ ឈ្នះមេដាយសំរឹទ្ធ២គ្រឿងពីជើងឯកអាស៊ី បញ្ជាក់ពីជោគជ័យលើ២ចំណុចធំៗ
ចន្លោះមិនឃើញ
CAMSOC ការឈ្នះមេដាយ២គ្រឿងក្នុងព្រឹត្តិការណ៍ជើងឯកអាស៊ី លើកទី១៧ ដែលធ្វើឡើងនៅប្រទេសកាហ្សាក់ស្ថានថ្មីៗនេះបញ្ជាក់ពីភាពជោគជ័យ២ចំណុចធំៗរបស់កីឡាការ៉ាតេកម្ពុជាក្រោយការខំប្រឹងប្រែងខ្លាំងមកនេះ។
ឯកឧត្ដម វ៉ាត់ ចំរើន តំណាង CAMSOC បានឲ្យដឹងថាការឈ្នះមេដាយសំរឹទ្ធលើកនេះរបស់កីឡាការ៉ាតេគឺទទួលបានជោគជ័យ២ ទី១ ជាមេដាយដំបូងក្នុងព្រឹត្តិការណ៍មួយនេះដែលពីមុនមកគឺមិនធ្លាប់បានឈ្នះឡើយ។ ចំណែកទី២ នោះគឺអាជ្ញាកណ្ដាលការ៉ាតេ ចំនួន៥រូបបានប្រឡងជាប់ជាអាជ្ញាកណ្ដាលអន្តរជាតិ។
ឯកឧត្ដមបន្ថែមទៀតថា ចំណុចទាំង២ខាងលើនេះគឺជាអ្វីដែល CAMSOC ក៏ដូចជាប្រធានសហព័ន្ធបណ្ឌិតសភាចារបានជំរុញឲ្យកីឡាការ៉ាតេក្លាយជាប្រភេទកីឡាមានសក្ដានុពលក្នុងតំបន់ និងអាស៊ី ជាពិសេសនៅស៊ីហ្គេម ២០២៣។
ព្រឹត្តិការណ៍ The 17th Asian Karate Championship Seniors ២០២១ ប្រកួតចាប់ពីថ្ងៃទី១៩-២២ ខែធ្នូ កន្លងទៅ។ ប្រតិភូ និងអាជ្ញាកណ្ដាល កម្ពុជាក៏បានបញ្ជូនកីឡាករ-កីឡាការិនី ១៥នាក់ចូលរួម។ កម្ពុជាឈ្នះមេដាយសំរឹទ្ធ ២គ្រឿង រួមមានកីឡាការិនី លឹម សុខវិច្ឆិកា និងកីឡាការិនី ឆន ស្រីភា៕ អត្ថបទកែសម្រួលពី Cambodia 2023
